Erfitt að festa fingur á hvað það kann að vera. Víkingar ólíkir sjálfum sér í byrjun þó þær hafi farið vaxandi er leið á hálfleikinn. Það er dýrt að misnota víti og ennþá dýrara að halda ekki einbeitingu í blálok hálfleiks verandi nýkomnar yfir. Það er þó þannig að ástæða þess að ekki gekk betur hjá heimakonum er það að Fylkiskonur stigu upp og gerðu betur. Þær unnu sig til baka og jöfnuðu rétt um 60 sekúndum eftir að hafa lent undir. Þær sóttu vítaspyrnu í upphafi síðari hálfleiks og komust yfir. Heilt yfir jafntefli sanngjörn úrslit.

Held að þessar 60 sekúndur þar sem MIst Funadóttir fór úr skúrk í hetju hljóta að verða að vera atvik leiksins í þetta sinn.

Heimakonur í Víkingum sitja í 3.sæti deildarinnar með fjögur stig. Fylkiskonur í því 7. með tvö stig.

Shaina Faiena Ashouri fór illa með gullið tækifæri er hún misnotaði vítaspyrnu í fyrri hálfleiknum. Var þess utan ekkert slök en hún er eflaust ósátt með sjálfa sig.

Báðir vítadómarnir líklegast réttir. Þess utan leyfði Andri leiknum að fljóta nokkuð vel og var samkvæmur sjálfum sér í ákvarðanatöku. Ekkert upp á hann að klaga.