Fylkiskonur voru búnar að skora öll mörkin nú þegar til þess að vinna leikinn. Keflvíkingar duttu svo seint í gang og brekkan var þá orðin ansi brött. Heilt yfir samt sem áður sanngjarn sigur.

Klárlega fyrsta mark Keflvíkinga. Caroline kemur boltanum á markið eftir hornspyrnu frá Melanie. Tinna Brá, í marki Fylkis, virðist verja glæsilega en missir hann eitthvað. Skv. AD fór boltinn allur yfir línuna og Keflvíkingar búnir að jafna. Ég er ekkert mjög viss með að boltinn hafi farið allur inn. Ég var í mjög góðu sjónarhorni og ég er viss um að hann hafi ekki farið inn.

Keflvíkingar sitja á botninum og eru án stiga í þremum fyrstu leikjunum en Fylksikonur eru ennþá ósigraðar og voru að sækja í sinn fyrsta sigur í efstu deild í ár. Mögnuð byrjun hjá Árbæingum!

Það er erfitt að velja einhvern einn leikmann þar sem allt Keflavíkurliðið var ekkert mjög gott á löngum kafla í dag. Vera fær þetta samt sem áður frá mér. Fannst eins og hún ætti að gera betur í nokkrum mörkum og síðan gefur hún nánast þetta fjórða mark þegar hún missir boltann í Susönnu og þaðan í netið. Alls ekki dagurinn hennar Veru í dag.

Ekkert út á hann að sakast þannig séð. Fínasta stjórn á leiknum og ágætis flæði. Eitt stórt atvik samt sem áður í fyrri hálfleiknum þegar Keflavík jafnar leikinn. Spurning hvort boltinn hafi verið allur inni. Ég var í mjög góðu sjónarhorni við þetta og ég gat ekki séð betur en að boltinn hafi ekki farið inn. En þar sem Fylkir skoruðu 4 mörk í leiknum kom það ekki við sök, kannski sem betur fer.