Njarðvíkingar voru heilt yfir betri aðilinn hérna í dag og áttu sigurinn skilið. Dalvíkingar hinsvegar vörðust virkilega vel og þegar þeir sóttu hratt á Njarðvíkinga skapaðist oft hætta. Njarðvíkingar sýndu mikla þolinmæði og kláruðu leikinn fagmannlega gegn sterku liði Dalvíkur.

Njarðvíkingar skorðu að því virtist löglegt mark á 70.mín og fögnuðu því vel og stilltu sér svo upp fyrir aftan miðju. Dómarateymið ræðir eitthvað saman og tekur svo markið af einhverjum mínútu eftir að þeir hefðu skorað það. Það fékkst ekki skýring á það hvað væri verið að dæma á svo þetta var allt mjög spes.

Njarðvíkingar fara á topp deildarinnar með fullt hús eftir tvo leiki. Dalvík/Reynir fellur niður í 4.sætið um stundarsakir hið minnsta.

Erfitt að ætla henda einhverjum í þennan dálk en Dominik Radic framherji Njarðvíkinga átti í smá basli með þétta vörn Dalvíkinga. Sömuleiðis átti Abdeen Temitope Abdul ekkert spes leik eftir að hafa átt frábæran leik gegn ÍBV.

Svo ég nefni aftur atvikið þá er furðulegt að það fékkst enginn skýring á því afhverju markið fékk ekki að standa. Heilt yfir fínasti leikur hjá teyminu og auðvitað alltaf hægt að pikka út eitthvað en það var ekkert í þessum leik sem hafði einhver úrslitaáhrif á loka niðutstöðuna.