Eftir frábæra byrjun Mosfellinganna gerðu þeir sér þetta erfitt fyrir þegar Gunnar Bergmann var rekinn af velli. Þórsarar voru þolinmóðir og það losnaði loksins um stífluna.

Það eru fullt af atvikum í þessum leik. Rauðu spjöldin, glæsilegt mark hjá Birki Heimissyni, fyrsta mark Egils og Fannar Daði meiddist á hné eftir að hafa stigið illa í fótinn, hann hefur slitið krossband á sama hné, vonandi fyrir hann og Þór að þetta sé ekki alvarlegt.

Þórsarar komnir með fjögur stig eftir tvær umferðir en Afturelding aðeins með eitt stig.

Það var nálægt því að vera Rafael Victor eða Ingimar Arnar. Þeir fengu svo sannarlega tækifærin til að gera út um leikinn. Rafael tókst að gera það að lokum í uppbótatíma. Verulega klaufalegt hjá Gunnari Bergmann Sigmarssyni að láta reka sig af velli, reyndist dýrkeypt þar sem Afturelding var með fín tök á þessu í fyrri hálfleik.

Afskaplega misjöfn frammistaða í dag. Línan var ekki stöðug hjá honum. Hann negldi þó rauðu spjöldin að mínu mati.