Jökull Andrésson.
Markvörðurinn Jökull Andrésson er orðaður við KR og sögusagnir í gangi um að Vesturbæjarliðið gæti fengið hann til liðs við sig í sumarglugganum.
Jökull er 22 ára en bróðir hans er varnarmaðurinn Axel Óskar Andrésson sem gekk í raðir KR í vetur.
Jökull er 22 ára en bróðir hans er varnarmaðurinn Axel Óskar Andrésson sem gekk í raðir KR í vetur.
Þeir bræður eru uppaldir í Aftureldingu en Jökull hefur verið hjá enska félaginu Reading síðan 2017 en farið oft í lán í neðri deildirnar á Englandi.
Samningur hans við Reading rennur út eftir eitt ár en hann er núna hjá Carlisle á láni. Þar hefur hann spilað sex leiki á tímabilinu í ensku C-deildinni en ekki verið í hóp síðan í nóvember, þegar hann brákaði á sér öxlina á æfingu.
Jökull hefur leikið fyrir yngri landslið Íslands og þá á hann einn A-landsleik skráðan en hann lék fyrri hálfleikinn í vináttulandsleik gegn Úganda í janúar 2022.
Guy Smit sem gekk í raðir KR í vetur hefur fengið gagnrýni fyrir frammistöðu sína í undanförnum leikjum en hann gaf mark í 3-2 tapinu gegn Breiðabliki á dögunum.
Íslenski sumarglugginn verður opinn frá 17. júlí til 13. ágúst.
Athugasemdir
