Gonzalo Zamorano skoraði eina mark Selfoss sem vann Kormák/Hvöt, 1-0, á JÁVERK-vellinum.

Markið kom tuttugu mínútum fyrir leikslok. Hann tók góðan snúning á varnarmann gestanna áður en hann setti boltann í netið.

Haukar unnu sannfærandi 4-0 sigur á Hetti/Hugin á BIRTU-vellinum.

Heimamenn leiddu með þremur í hálfleik en þeir Frosti Brynjólfsson, Djordje Biberdzic og Ernest Slupski gerðu mörkin áður en Þorkell Víkingsson rak síðasta naglann í kistu gestanna.

Marteinn Már Sverrisson og Abdelhadi Khalok El Bouzarrari skoruðu mörk KFA í 2-0 sigri liðsins á Þrótti V. og þá unnu Ægismenn 3-0 sigur á Reyni Sandgerði.

Ágúst Karel Magnússon skoraði tvö og Aron Fannar Hreinsson eitt, en tveir fengu rautt hjá Reyni. Keston George sá rauða spjaldið á 32. mínútu og þá fékk Benedikt Jónsson, liðsstjóri liðsins, að líta rauða spjaldið undir lok leiks.

Úrslit og markaskorarar:

Selfoss 1 - 0 Kormákur/Hvöt
1-0 Gonzalo Zamorano Leon ('69 )
Lestu um leikinn

KFA 2 - 0 Þróttur V.
1-0 Marteinn Már Sverrisson ('32 )
2-0 Abdelhadi Khalok El Bouzarrari ('90 )

Haukar 4 - 0 Höttur/Huginn
1-0 Frosti Brynjólfsson ('8 )
2-0 Djordje Biberdzic ('39 )
3-0 Ernest Slupski ('42 )
4-0 Þorkell Víkingsson ('90 )

Reynir S. 0 - 3 Ægir
0-1 Ágúst Karel Magnússon ('53 )
0-2 Ágúst Karel Magnússon ('66 )
0-3 Aron Fannar Hreinsson ('91 )
Rautt spjald: ,Keston George, Reynir S. ('58)Benedikt Jónsson , Reynir S. ('90)