Valur 2 - 2 ÍBV (17:00 á sunnudag)
ÍBV vann frábæran bikarsigur í vikunni og það hlýtur að gefa þeim kraft. Valur hefur verið smá hikstandi og það er óvissa með minn mann Dion. Þessi leikur fer 2-2 og Arnór Gauti skorar allavega annað mark ÍBV.

FH 3 - 1 Stjarnan (20:00 á sunnudag)
Það eru þrír á hnjaskvagninum hjá Stjörnunni eftir bikarleikinn. FH-ingar hafa ekki verið sannfærandi í sumar en þetta gæti þurft að vera leikurinn þar sem þeir sýna eitthvað. Það væri sterkt hjá þeim að senda skilaboð með því að vinna Stjörnuna. Þeir koma sterkir inn og vinna 3-1, þó að þetta gæti alveg farið í öfug átt líka. Ég tek sénsinn og segi að FH vinni.

Víkingur Ó. 1 - 2 KA (17:00 á mánudag)
Þetta er 50/50 leikur. Ég held að KA rétti úr kútnum og vinni.

ÍA 2 - 0 Breiðablik (19:15 á mánudag)
Þetta eru lið sem eru með vindinn í bakið eftir sigra í síðustu umferð. Gulli Jóns er vinur minn og þess vegna tippa ég á að hann vinni þennan leik. Þetta er 50/50 faglegt og tilfinningarök.

KR 2 - 1 Grindavík (19:15 á mánudag)
KR fann fínan markmann og ég held að það gefi þeim aukin kraft til að vinna leikinn.

Víkingur R. 2 - 2 Fjölnir (20:00 á mánudag)
Þetta verður annað jafntefli hjá Loga Ólafs á móti gulum.

Sjá einnig:
Aron Sigurðarson - 4 réttir
Hjörtur Hjartarson - 4 réttir
Benedikt Bóas og Stefán Árni - 3 réttir
Halldór Jón Sigurðsson - 3 réttir
Tryggvi Guðmundsson - 2 réttir