" Ég held ég hafi séð það einhvers staðar (Fótbolta.net) að Fram hefði ekki unnið Fylki síðan 2014 þannig ég sagði það við strákana fyrir leik og við erum bara á okkar vegferð og þessi sigur er bara hluti af því" Sagði Guðmundur Magnússon eftir 2-1 sigur á Fylkismönnum í kvöld.
Lestu um leikinn: Fram 2 - 1 Fylkir
Guðmundur klúðraði víti í fyrri hálfleik en skoraði svo stuttu seinna og kom Fram í 2-1.
"Yfirleitt er það þannig að ég stíg fyrstur fram og ég er alltaf til í að taka víti, í dag gekk það ekki en sem betur fær þá náði ég að bæta upp fyrir það en svona er bara fótboltinn en hann gerði vel í markinu"
"Ég ætlaði að lyfta honum aðeins hærra en ég hitti boltann bara ekki nægilega vel "
Fram situr eins og staðan er núna í 3.sæti Bestu deildarinnar, eitthvað sem fólk sá ekki fyrir sér rétt fyrir mót.
" Miklar breytingar og nýr þjálfari og allt það en við erum bara að leggja inn vinnu og erum að uppskera eftir því"
"Við erum bara skipulagðari, við vorum gott sóknarlið undir Nonna (Jóni Sveinssyni), alltaf gaman að sækja en það þarf að hafa grunngildin í lagi líka og Rúnar hefur verið að fara aðeins meira í þau, Rúnar sá strax hvað þurfti að gera og bæta, allir strákarnir eiga hrós skilið fyrir að taka vel í það "
Viðtalið má sjá í heild sinni hér fyrir ofan.
Athugasemdir