Frammistaða United var algert afhroð og virkar eins og leikmenn séu bara hættir að spila fyrir Erik ten Hag.

Casemiro var út um allt í vörninni, var skúrkurinn í tveimur mörkum og greinilega kominn yfir hæðina góðu.

Tap United í kvöld var það þrettánda í deildinni á þessari leiktíð en þetta er í fyrsta sinn í sögu félagsins sem það tapar þessum fjölda af leikjum á einu tímabili í deildinni.

Ekki nóg með það þá hefur liðið fengið á sig 81 mark í öllum keppnum en það hefur ekki gerst síðan tímabilið 1976-1977.

United mun ekki spila í Meistaradeild Evrópu á næstu leiktíð og eru meiri líkur en minni á að Ten Hag verði látinn fara eftir þetta tímabil.