Eins og staðan er núna ætlar Manchester United ekki að reka Erik ten Hag úr starfi þrátt fyrir hörmulegan árangur upp á síðkastið.
Man Utd tapaði 4-0 gegn Crystal Palace og má segja að það hafi verið ákveðinn lágpunktur í stjóratíð Ten Hag. Kannski einn af mörgum.
Framtíð Ten Hag er í óvissu en United er í áttunda sæti ensku úrvalsdeildarinnar. Manchester United mun ljúka tímabilinu með bikarúrslitaleik gegn Manchester City en áður en að þeim leik kemur mun liðið mæta Arsenal, Newcastle og Brighton í deildinni.
Telegraph segir frá því að United ætli ekki að reka Ten Hag fyrir úrslitaleikinn þrátt fyrir að fyrrum leikmenn - sem og aðrir - séu að kalla eftir því.
Heimildarmenn á Old Trafford herma að þeir sem stjórni hjá United muni ekki taka ákvörðun um Ten Hag fyrr en eftir tímabilið.
Athugasemdir