„Mér finnst þetta virkilega svekkjandi tap en mér fannst frammistaðan mjög góð og sterk hjá liðinu svo já þetta er mjög svekkjandi. “ Sagði Kristrún Ýr Hólm fyrirliði Keflavíkur eftir 2-1 tap Keflavíkur gegn Val á HS-Orkuvellinum í Reykjanesbæ í kvöld.
Keflavík gerði nokkrar taktískar breytingar á liði sínu frá fyrri leikjum fyrir leikinn í kvöld. Tilfærslur á stöðum og sem dæmi var Kristrún í hlutverki djúps miðvallarleikmanns. Þessar tilfærslur virtust virka nokkuð vel og var liðið afar vel spilandi og þá sérstaklega í fyrri hálfleik.
Keflavík gerði nokkrar taktískar breytingar á liði sínu frá fyrri leikjum fyrir leikinn í kvöld. Tilfærslur á stöðum og sem dæmi var Kristrún í hlutverki djúps miðvallarleikmanns. Þessar tilfærslur virtust virka nokkuð vel og var liðið afar vel spilandi og þá sérstaklega í fyrri hálfleik.
Lestu um leikinn: Keflavík 1 - 2 Valur
„Þetta var að virka og ég skemmti mér vel að spila þennan leik. Þó svo að hann hafi farið eins og hann fór þá fannst mér planið gott og mér fannst það ganga upp. Það var bara kafli einhverjar tíu mínútur þar sem við missum fókus og okkur er refsað.“
Úrslitin þýða að lið Keflavíkur er enn stigalaust á botni deildarinnar að loknum fjórum umferðum. En Kristrún segist þó sjá jákvæð teikn og stíganda í leik liðsins.
„Já mér finnst það. Mér finnst frammistaðan þrátt fyrir að við séum búnar að vera tapa leikjum hafa verið góð og eitthvað sem við getum teki áfram í næstu leiki. Það er svo lítið sem við þurfum að laga það er bara að halda fókus og við verðum búnar að laga það fyrir næsta leik.“
Sagði Kristrún en allt viðtalið við hana má sjá hér að ofan
Athugasemdir