Ronald Koeman verður kynntur sem nýr stjóri Everton í dag samkvæmt frétt frá Daily Mail.
Því er haldið fram að Koeman sé búinn að skrifa undir þriggja ára samning sem er 18 milljón punda virði í heildina. Auk þess þarf Everton að greiða 5 milljónir til Southampton.
Því er haldið fram að Koeman sé búinn að skrifa undir þriggja ára samning sem er 18 milljón punda virði í heildina. Auk þess þarf Everton að greiða 5 milljónir til Southampton.
Koeman hefur átt tvö frábær tímabil með Southampton en hann gat ekki hafnað himinháu launatilboði Everton sem hefur einnig lofað honum miklu eyðslufé í sumar.
Koeman tekur við Roberto Martinez sem var rekinn fyrir mánuði eftir slakt gengi Everton í ensku deildinni.
Samkvæmt heimildarmanni Daily Mail eru ýmis misflókin ákvæði í samningnum en eitt þeirra tengist því að langtímamarkmið félagsins sé að enda reglulega í meistaradeildarsæti og halda uppi heiðri landsins, og félagsins, á erlendri grundu.
Athugasemdir