Bæði félög eru nýliðar í deildinni þetta árið en Heidenheim hefur gert töluvert betri hluti en Darmstadt á leiktíðinni.

Fyrir leikinn var vitað mál að Darmstadt þyrfti öll stigin til að eiga möguleika á að halda sér uppi.

Þrátt fyrir ágætis baráttu var það Heidenheim sem skoraði eina mark leiksins. Grimm leið til að falla niður um deild en markið kom á 90. mínútu og eftir klaufaleg mistök hjá varnarmanni Darmstadt sem var klobbaður áður en Nikola Dovedan setti boltann í netið.

Köln er enn í baráttu um að halda sér uppi. Liðið náði í mikilvægt stig í 1-1 jafnteflinu gegn Mainz í dag. Florian Kainz jafnaði með marki úr víti undir lok leiks.

Köln er í næst neðsta sæti með 23 stig en Mainz í sætinu fyrir ofan með 28 stig.

Úrslit og markaskorarar:

Mainz 1 - 1 Koln
1-0 Leandro Martins ('29 )
1-0 Gian-Luca Waldschmidt ('48 , Misnotað víti)
1-1 Florian Kainz ('90 , víti)
Rautt spjald: Philipp Mwene, Mainz ('90)

Borussia M. 0 - 0 Union Berlin

Darmstadt 0 - 1 Heidenheim
0-1 Nikola Dovedan ('90 )