Valur og Fram skiptu stigunum á milli sín í kvöld þegar þessi lið mættust í 4.umferð Bestu deildar karla á N1 vellinum Hlíðarenda.
Lestu um leikinn: Valur 1 - 1 Fram
„Mér fannst við ekki góðir í fyrri hálfleik. Við vorum svolítið 'sloppy' og töpuðum mikið af fyrsta og öðrum boltum. Vorum ekki alveg líkir sjálfum okkur." Sagði Arnar Grétarsson þjálfari Vals eftir leikinn í kvöld.
„Mér fannst við koma mjög vel út í seinni hálfleikinn og taka öll völd, skorum gott mark og sköpum nóg til þess að klára leikinn. Þú ert alltaf með opinn leik í stöðunni 1-0."
„Frammarar sköpuðu ekki mikið í seinni hálfleik og þess vegna er þetta þeim mun meira svekkjandi að fá á sig þetta jöfnunarmark á 90. mín úr föstu leikatriði þar sem við eigum að geta varist betur og það er bara virkilega svekkjandi líka í ljósi þess að við erum núna búnir að misstíga okkur í tvígang og gerum það aftur hér og það er bara dýrt."
Valsliðið hefur verið mikið gagnrýnt í upphafi móts en Arnar Grétarsson vildi þó lítið tjá sig um hana.
„Menn mega tjá sig. Það eru allir með skoðanir í fótbolta og ef þú ert í fótbolta þá verður þú að þola það. Það hafa allir skoðanir á því hvernig menn eru að spila og hvernig menn eiga að bregðast við og svo framvegis og það er bara partur af þessu. Ég er ekkert að tjá mig um það og hef ekkert um það að segja."
Nánar er rætt við Arnar Grétarsson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 6 | 5 | 0 | 1 | 14 - 6 | +8 | 15 |
| 2. Breiðablik | 6 | 4 | 0 | 2 | 15 - 9 | +6 | 12 |
| 3. FH | 6 | 4 | 0 | 2 | 10 - 9 | +1 | 12 |
| 4. Valur | 6 | 3 | 2 | 1 | 9 - 5 | +4 | 11 |
| 5. Fram | 6 | 3 | 2 | 1 | 7 - 4 | +3 | 11 |
| 6. Stjarnan | 6 | 3 | 1 | 2 | 8 - 7 | +1 | 10 |
| 7. ÍA | 6 | 3 | 0 | 3 | 14 - 9 | +5 | 9 |
| 8. KR | 6 | 2 | 1 | 3 | 11 - 11 | 0 | 7 |
| 9. HK | 6 | 2 | 1 | 3 | 6 - 10 | -4 | 7 |
| 10. Vestri | 6 | 2 | 0 | 4 | 4 - 12 | -8 | 6 |
| 11. KA | 6 | 0 | 2 | 4 | 7 - 13 | -6 | 2 |
| 12. Fylkir | 6 | 0 | 1 | 5 | 5 - 15 | -10 | 1 |
