„Mér líður mjög vel. Það er geggjað að fá þrjú stig í pokann og að hafa klárað þetta í lokin.“ sagði Guðmundur Baldvin, miðjumaður Stjörnunnar, eftir sætan 1-0 sigur Stjörnunnar á Fylki í kvöld. Guðmundur kom inn á sem varamaður í seinni hálfleik og reyndist hetja liðsins þegar hann skoraði sigurmarkið alveg í blálokin.
Lestu um leikinn: Fylkir 0 - 1 Stjarnan
Guðmundur viðurkennir að það var komið smá stress í hann í lokin.
„Það kom smá stress í lokin. En hópurinn hafði trú og við keyrðum á trúnni.“
Guðmundur skoraði sigurmark Garðbæinga í dag en hann var manna sáttastur að sjá skotið, sem var ekki fast, leka í netið.
„Það kemur fyrirgjög frá Jóa á fjær, Andri fær hann og leggur hann út á mig og ég bara kem honum í markið.“
„Þetta var helvíti laust en inn fór hann.“
Hvaða skilaboð fékk Guðmundur frá Jökli þegar hann kom inn á?
„Að vera aggresívur og koma inn með kraft. Sleppa beislunum og keyra á þetta.“
Guðmundi fannst þetta kaflaskiptur leikur og ætlar að greina það á næstunni hvað Stjarnan hefði getað gert betur í kvöld.
„Þeir voru öflugir og fengu góð færi. Þetta var mjög kaflaskipt og við þurfum að skoða þetta aðeins til þess að sjá hvað við getum gert betur til að stjórna leiknum.“
Guðmundur viðurkennir að hann hefði viljað fá meira úr fyrstu fjóru leikjunum.
„Við hefðum viljað fá meira en við þurfum fyrst og fremst að líta í eigin barm. Að ná frammistöðunni upp. Fá hugrekki og okkar gildi inn í þetta.“ sagði Jökull, þjálfari Stjörnunnar, að lokum eftir dýsætan 1-0 sigur á Fylki í Árbænum í kvöld.
Viðtalið við Guðmund í heild sinni má sjá í spilaranum hér að ofan.
