Mætingin döpur Það eru um 20 manns í stúkunni þegar leikurinn er að fara af stað. Mætingin á leiki í Bestu deild kvenna hingað til hefur verið afskaplega döpur.

Læt þetta tíst fylgja með:

Þetta Valslið er algjört svindl í bestu deild kvenna.

Annars er mætingin á leikinn sorgleg,sýnist Víkingar bara mæta í hamingjuna og Valsmenn á karlaleiki.

Eða bara eins báðum meginn en ég hef aldrei skilið það að styðja bara lið karla meginn.

Vertu stuðningsmaður óháð kyni.

— Max Koala (@Maggihodd) May 2, 2024

Liðin eru á fullu í upphitun. Það er grár himinn og örlítil rigning í Kópavoginum. Frábært fótboltaveður og vonandi fáum við bara virkilega skemmtilegan leik.

Bríet Bragadóttir er með flautuna og sér um að dæma leikinn.

Katrín í hópnum Katrín Ásbjörnsdóttir er mætt aftur í hópinn hjá Breiðabliki en hún hefur verið að takast á við meiðsli í upphafi móts. Áslaug Munda Gunnlaugsdóttir er áfram á bekknum hjá Blikum en hún kom inn á í síðasta leik. Munda er enn að takast á við eftirköstin af höfuðhöggi.

Markvörður Blika á bekknum hjá FH Það hefur verið frekar mikið rætt um markvarðarmál Blika síðustu daga. Það er þá frekar athyglisvert að á bekknum hjá FH er einn efnilegasti markvörður landsins, Herdís Halla Guðbjartsdóttir. Hún er á láni hjá FH frá Breiðabliki.

Byrjunarlið FH Guðni og Hlynur gera fjórar breytingar frá tapinu stóra gegn Þór/KA. Aldís Guðlaugsdóttir kemur í markið og ásamt henni koma Erla Sól Vigfúsdóttir, Margrét Brynja Kristinsdóttir og Thelma Karen Pálmadóttir inn í byrjunarliðið. Sú síðastnefnda er fædd árið 2008.

1. Aldís Guðlaugsdóttir (m)
3. Erla Sól Vigfúsdóttir
5. Arna Eiríksdóttir (f)
8. Valgerður Ósk Valsdóttir
10. Breukelen Lachelle Woodard
16. Margrét Brynja Kristinsdóttir
17. Elísa Lana Sigurjónsdóttir
24. Thelma Karen Pálmadóttir
29. Andrea Rán Snæfeld Hauksdóttir
31. Hildigunnur Ýr Benediktsdóttir
37. Jónína Linnet

Byrjunarlið Breiðabliks Aníta Dögg Guðmundsdóttir er mætt heim til Íslands úr háskólaboltanum í Bandaríkjunum og mun verja mark Breiðabliks gegn FH í Bestu deildinni í kvöld. Í heildina eru þrjár breytingar á byrjunarliði Blika en auk Anítu koma Elín Helena Karlsdóttir og Karitas Tómasdóttir inn í liðið. Jakobína Hjörvarsdóttir er meidd og Hrafnhildur Ása Halldórsdóttir fer á bekkinn.

12. Aníta Dögg Guðmundsdóttir (m)
4. Elín Helena Karlsdóttir
5. Anna Nurmi
7. Agla María Albertsdóttir
8. Heiða Ragney Viðarsdóttir
11. Andrea Rut Bjarnadóttir
13. Ásta Eir Árnadóttir (f)
15. Vigdís Lilja Kristjánsdóttir
17. Karitas Tómasdóttir
27. Barbára Sól Gísladóttir
28. Birta Georgsdóttir

Andrea Rán mætir á gamla heimavöllinn Miðjumaðurinn Andrea Rán Snæfeld Hauksdóttir er að mæta á sinn gamla heimavöll í dag. Hún er uppalin Bliki en ákvað að semja við FH fyrir yfirstandandi tímabil.

Vigdís Lilja á eldi í upphafi móts Vigdís Lilja Kristjánsdóttir hefur heldur betur stimplað sig vel inn í Blikaliðið í byrjun sumars. Hún gerði tvö mörk í fyrsta leik gegn Keflavík og var þar maður leiksins. Hún skoraði svo aftur gegn Tindastóli í síðustu umferð og var þar einnig besti leikmaður vallarins.

Ótrúlegur leikur í fyrra Ég man sérlega vel eftir leik Breiðabliks og FH á Kópavogsvelli snemma móts í fyrra. Það var ótrúlega skemmtilegur leikur sem endaði með 3-2 sigri Blika. Andrea Rut Bjarnadóttir gerði sigurmarkið í uppbótartímanum.

Liðin gerðu svo jafntefli í Kaplakrika og þá vann Breiðablik leik liðanna eftir að deildin skiptist, 3-1.

Markvarðarmál Blika Landsliðsmarkvörðurinn Telma Ívarsdóttir nefbrotnaði í síðasta leik gegn Tindastóli og getur ekki spilað með Blikum í dag.

Það var útlit fyrir það í vikunni að Rakel Hönnudóttir, sem var lengst af miðjumaður á sínum ferli, myndi vera í markinu hjá Breiðabliki í dag en svo verður ekki. Aníta Dögg Guðmundsdóttir flaug heim frá Bandaríkjunum - þar sem hún er í háskóla - í morgun og stendur vaktina.

Breiðablik reyndi að fá fyrrum landsliðsmarkvörðinn Söndru Sigurðardóttir á neyðarláni frá Val en það gekk ekki eftir.

Voru engir venjulegir nýliðar FH var líklega skemmtilegasta liðið að horfa á í Bestu deildinni í sumar, allavega lengst af. Komu upp sem nýliðar og enginn hafði trú á þeim, en þær mættu bara af feiknakrafti og voru ótrúlega hugrakkar í sinni nálgun.

Undirritaður skrifaði pistil um FH-liðið í fyrra sem má lesa með því að smella á tengilinn hér fyrir neðan.

Fréttir um þessi lið fyrir mót

Enn og aftur 3-0? Hildur Karítas Gunnarsdóttir, leikmaður Aftureldingar, tók að sér það verkefni að spá í leikina sem eru framundan í Bestu deild kvenna.


Breiðablik 3 - 0 FH
Breiðablik elska að vinna 3-0 þannig þær gera það líka í þessum leik. Vigdís Lilja og Agla María með mörkin.

FH tapaði illa í síðustu umferð FH var spáð tíunda sæti í fyrra en kom þá mikið á óvart. Liðinu var spáð fjórða sæti fyrir mótið í ár og fólk hefur trú á þeim. FH byrjaði tímabilið á 1-0 sigri gegn Tindastóli á Króknum en tapaði svo stórt gegn Þór/KA í síðustu umferð. Sandra María Jessen tók sig til og gerði fernu í þeim leik.

Draumabyrjun Blika Breiðablik hefur byrjað frábærlega á tímabilinu. Liðið er með tvo sigra í tveimur leikjum og markatöluna 6:0 eftir tvo 3-0 sigra gegn Keflavík og Tindastóli.

Prófið er aðeins erfiðara gegn FH í dag.

Góðan daginn! Og verið velkomnir kæru lesendur í beina textalýsingu frá leik Breiðabliks og FH í þriðju umferð Bestu deildar kvenna.