Lestu um leikinn: Valur 7 -  2 Víkingur R.

Jasmín gekk í raðir Vals frá Stjörnunni fyrir tímabilið. Hún var svolítið týnd á síðustu leiktíð en virðist vera búin að finna sig aftur í fremstu víglínu hjá Val.

„Ég gæti eiginlega ekki verið sáttari. Ég er komin aftur í mína uppáhalds stöðu og ég er að nýta tækifærin sem ég fæ þar. Ég þekki mig best þar."

„Hérna er fagmennskan í fyrirrúmi. Þetta er toppfélag og ég skil ekki af hverju ég var ekki löngu komin hingað."

Jasmín og Amanda Andradóttir hafa náð frábærlega saman í framlínu Vals í upphafi tímabils.

„Hún er eitthvað annað góð í fótbolta. Það er ekkert leiðinlegt að hafa hana með sér," segir Jasmín en Amanda hlýtur að fara út í atvinnumennsku fyrr frekar en síðar. „Jú, en bara síðar samt fyrir mig," sagði Jasmín og hló.

Allt viðtalið má sjá í spilaranum hér að ofan.