KFG og Víkingur Ó. unnu bæði góða sigra í fyrstu umferð í 2. deild karla í dag.
Víkingur Ó. vann 3-0 sigur á Völsungi á Ólafsvíkurvelli. Eftir markalausan fyrri hálfleik tóku Víkingar sig til og skoruðu öll þrjú mörkin á tólf mínútum.
Luke Williams gerði fyrsta markið í upphafi síðari hálfleiks áður en Gary Martin gerði sitt fyrsta mark fyrir félagið og það í fyrsta deildarleiknum, en hann kom til Víkings frá Selfossi á dögunum.
Arnór Siggeirsson kláraði síðan dæmið með þriðja markinu á 57. mínútu og þar við sat.
KFG hafði betur gegn KF, 2-0, á Samsung-vellinum. Heimamenn fengu vítaspyrnu á 18. mínútu. Dagur Orri Garðarsson setti boltann í hægra hornið. Javon Sample, markvörður KF, skutlaði sér í rétt horn en tókst ekki að halda honum út úr markinu.
Ólafur Bjarni Hákonarson gerði annað mark KFG á 40. mínútu leiksins. Hann keyrði hægra megin inn í teiginn og átti skot, sem hafði viðkomu af varnarmanni og fram hjá Sample í markinu.
Ágætis skemmtun í fyrstu umferðinni. Haukar eru á toppnum eftir 4-0 sigur liðsins á Hetti/Hugin, sem vermir botnsætið.
Úrslit og markaskorarar:
Víkingur Ó. 3 - 0 Völsungur
1-0 Luke Williams ('46 )
2-0 Gary John Martin ('51 )
3-0 Arnór Siggeirsson ('57 )
KFG 2 - 0 KF
1-0 Dagur Orri Garðarsson ('18, víti )
2-0 Ólafur Bjarni Hákonarson ('40 )
2. deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Ægir | 3 | 2 | 1 | 0 | 7 - 2 | +5 | 7 |
2. Haukar | 3 | 2 | 1 | 0 | 6 - 1 | +5 | 7 |
3. Selfoss | 2 | 2 | 0 | 0 | 2 - 0 | +2 | 6 |
4. Víkingur Ó. | 2 | 1 | 1 | 0 | 5 - 2 | +3 | 4 |
5. KFA | 2 | 1 | 1 | 0 | 4 - 2 | +2 | 4 |
6. KFG | 2 | 1 | 0 | 1 | 2 - 1 | +1 | 3 |
7. Kormákur/Hvöt | 3 | 1 | 0 | 2 | 4 - 4 | 0 | 3 |
8. Reynir S. | 2 | 1 | 0 | 1 | 3 - 4 | -1 | 3 |
9. Þróttur V. | 2 | 0 | 1 | 1 | 1 - 3 | -2 | 1 |
10. Höttur/Huginn | 2 | 0 | 1 | 1 | 1 - 5 | -4 | 1 |
11. Völsungur | 2 | 0 | 0 | 2 | 0 - 4 | -4 | 0 |
12. KF | 3 | 0 | 0 | 3 | 1 - 8 | -7 | 0 |
Athugasemdir