Cristiano Ronaldo skoraði fjórðu þrennuna á tímabilinu er Al-Nassr kjöldró Al Wehda, 6-0, í Riyadh í kvöld.
Fyrsta markið gerði hann eftir mistök markvarðarins, sem sendi boltann beint á hann. Ronaldo tók við boltanum, rakti hann áleiðis að marki og setti hann síðan neðst í hægra hornið.
Nokkrum mínútum síðar gerði hann annað markið með skalla eftir fyrirgjöf Marcelo Brozovic.
Otavio og Sadio Mané gerðu þriðja og fjórða mark Al-Nassr áður en Ronaldo fullkomnaði þrennuna með skoti af stuttu færi í nærhornið.
Hann var að skora fjórðu þrennuna í deildinni á þessari leiktíð og er nú kominn með 32 mörk. Ronaldo er tveimur mörkum frá því að jafna markametið í deildinni.
Cristiano Ronaldo's perfect hattrick:
— fan (@NoodleHairCR7) May 4, 2024
- Right Foot
- Header
- Left Foot
The most complete player of All Time. pic.twitter.com/eXDIsfORAm
Athugasemdir