Bayern er þýskur meistari annað árið í röð eftir sigur á Leverkusen í dag.
Glódís Perla Viggósdóttir, fyrirliði Bayern, var á sínum stað í byrjunarliðinu. Liðið var með 2-0 forystu í hálfleik en Leverkusen minnkaði muninn eftir rúmlega klukkutíma leik en nær komust þær ekki.
Karólína Lea Vilhjálmsdóttir er á láni hjá Leverkusen frá Bayern en hún var í byrjunarliðinu í dag og spilaði tæpar 80 mínútur.
Cecilía Rán Rúnarsdóttir er á mála hjá Bayern en hún hefur ekkert komið við sögu á tímabilinu vegna meiðsla en hún er nýbyrjuð að æfa.
Bayern hafði betur gegn Wolfsburg í baráttunni um titilinn en Sveindís Jane Jónsdóttir er leikmaður Wolfsburg. Enn eru tvær umferðir eftir af deildinni.
????????? ???????????????????????????????????????????????? ???????????????? ?????????#FCBayern #MiaSanMia #Meisterinnen pic.twitter.com/qrRHIH6BHu
— FC Bayern Frauen (@FCBfrauen) May 4, 2024