Fullt nafn: Geir Sigurbjörn Ómarsson

Gælunafn: Frændi, Goggi, Gareth, ásamt öðrum misgáfulegum

Aldur: 19

Hjúskaparstaða: Lausu

Hvenær lékstu þinn fyrsta leik með meistaraflokki og er eitthvað minnistætt úr leiknum: Lék fyrsta leikinn minn í Íslandsmóti 2020, töpuðum 5-2 fyrir Víði Garði minnir mig

Uppáhalds drykkur: Fátt sem toppar nýlagað kaffi

Uppáhalds matsölustaður: Enginn sérstakur, ætli það sé ekki bara Olifa í augnablikinu

Hvernig bíl áttu: VW Passat

Áttu hlutabréf eða rafmynt: Já, hlutabréf

Uppáhalds sjónvarpsþáttur: Peaky Blinders og The Blacklist

Uppáhalds tónlistarmaður: Birnir og A$AP Rocky

Uppáhalds hlaðvarp: Dr. Football og Chess After Dark eru í uppáhaldi

Uppáhalds samfélagsmiðill: Eyði mestum tíma inná TikTok en hef mest gaman af X-inu

Fyrsta síðan sem þú ferð á þegar þú opnar netið: Visir.is

Fyndnasti Íslendingurinn: Hjöbbi K

Hvernig hljómar síðasta sms sem þú fékkst: Takk fyrir ad velja Dropp. Hvernig stodum vid okkur?

Hvaða liði myndir þú aldrei spila með: Það þyrfti eitthvað mikið að gerast til þess að ég myndi spila fyrir Hött/Huginn

Besti leikmaður sem þú hefur mætt: Jói Ben aðeins búinn að æsast upp, fyrst þegar maður byrjaði að mæta á æfingar með meistaraflokki, er líklega besti leikmaður sem ég hef mætt

Besti þjálfarinn sem hefur þjálfað þig: Margir góðir, en verð að gefa Heimi Þorsteins þetta

Mest óþolandi leikmaður sem þú hefur mætt: Tómas Orri Almarsson

Hver var fyrirmyndin þín í­ æsku: CR7

Sætasti sigurinn: Ekki mikið um sæta sigra hingað til, ætli það sé ekki bara 1-0 sigur í hörkuleik gegn Dalvík heima í fyrra

Mestu vonbrigðin: Að fara ekki upp í fyrra voru gríðarleg vonbrigði

Uppáhalds lið í enska: Manchester United

Ef þú fengir að velja einn leikmann úr öðru íslensku liði í þitt lið: Myndi taka Nikolaj Hansen, hann myndi smellpassa í senterinn hjá okkur

Efnilegasti knattspyrnumaður/kona landsins: Jón Breki Guðmundsson, alvöru baller, munið nafnið

Fallegasti knattspyrnumaðurinn á Íslandi: Viktor Karl

Fallegasta knattspyrnukonan á Íslandi: Elín Metta

Besti knattspyrnumaðurinn frá upphafi: CR7 er geitin í boltanum

Hver er mesti höstlerinn í­ liðinu: Daníel Cekic er sá sem kemur fyrst upp í hugann

Uppáhalds staður á Íslandi: Norðfjörður og Vöðlavík, get ekki gert upp á milli þessara staða

Segðu okkur frá skemmtilegu atviki sem gerst hefur í leik: Í leik á móti Hetti/Huginn í fyrra þá kastaði liðsfélagi okkar blisi úr stúkunni inná völlinn og stoppa þurfti leikinn á meðan við vorum í sókn að reyna að jafna leikinn undir lok leiks. Fyndið þegar maður horfir til baka en ekki alveg jafn skemmtilegt á því augnabliki

Ertu með einhverja hjátrú tengda fótbolta: Nei, er ekki með neina spes hjátrú tengda fótbolta

Fyrir utan knattspyrnu, fylgist þú með öðrum íþróttum: Ég fylgist með NBA og Formúlunni, svo fylgist maður að sjálfsögðu með Þrótti Nes í blakinu

Í hvernig fótboltaskóm spilar þú: Ég er mikill phantom maður, skipti á milli þeirra og tiempo

Í hverju varstu/ertu lélegastur í­ skóla: Skólasundið flæktist svoldið fyrir mér, er nánast ósyndur í dag.

Vandræðalegasta augnablik: Kastaði boltanum tvisvar útaf vellinum úr innkasti í roki á Dalvík

Hvaða þrjá leikmenn tækir þú með þér á eyðieyju og af hverju: Ég tæki með mér Jón Breka, Arnór Berg og Hlyn Bjarna. Þrír stemningsmenn, Arnór og Jón myndu veiða til matar og safna vistum og Hlynur myndi koma okkur af eyjunni með útsjónarsemi sinni

Hvern í liðinu þínu myndirðu velja til að taka þátt í sjónvarpsþáttaröð: Það væri skrautlegt að sjá hvernig Arnór Berg myndi fúnkera í Love Island, það væri alvöru tv

Sturluð staðreynd um sjálfan þig: Keppti til undanúrslita í Gettu Betur með tvíburabróðir mínum

Hvaða samherji hefur komið þér mest á óvart eftir að þú kynntist honum og af hverju: Það kemur mér sífellt á óvart hvað Patrekur Aron talar mikið, maðurinn er stanslaust blaðrandi

Hverju laugstu síðast: Laug að sjálfum mér að ég væri að fara læra mikið í gær

Hvað er leiðinlegast að gera á æfingum: Upphitun án bolta er aldrei skemmtileg

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Myndi spyrja manninn á bakvið ákvörðunina að taka gamla sumar collabinn úr sölu, hvað honum gengi eiginlega til