Rodri er með allra mikilvægustu mönnum Man City en liðið hefur aðeins tapað þremur deildarleikjum á tímabilinu og voru það einu leikirnir sem Rodri spilaði ekki.

Man City fagnaði 5-1 sigri á Wolves í dag og var það 71. leikurinn sem Rodri fer í gegnum án þess að tapa.

Aðeins er miðað við venjulegan leiktíma, en auðvitað tapaðist viðureign Man City gegn Real Madrid í 8-liða úrslitum Meistaradeildar Evrópu en það var eftir vítakeppni. Sá leikur skráist sem jafntefli eftir venjulegan leiktíma.

Enginn leikmaður í ensku úrvalsdeildinni hefur farið í gegnum jafn marga leiki án þess að tapa sem sýnir ágætlega mikilvægi spænska miðjumannsins.