Þrátt fyrir 2-0 sigur Juventus gegn Atalanta í Seríu A í dag var þjálfarinn Massimiliano Allegri alls ekki sáttur með miðjumanninn Paul Pogba.
Franski landsliðsmaðurinn fékk að líta gult spjald í leiknum og sagði Allegri að það hefði greinilega haft áhrif á leik hans. Pogba er talinn einn besti miðjumaður heims en Allegri lét hann samt heyra það.
Franski landsliðsmaðurinn fékk að líta gult spjald í leiknum og sagði Allegri að það hefði greinilega haft áhrif á leik hans. Pogba er talinn einn besti miðjumaður heims en Allegri lét hann samt heyra það.
„Paul Pogba er leikmaður sem getur gert gæfumuninn ef hann spilar einfalt og er einbeittur," sagði Allegri við Sky Sport Italia.
„Hann var spjaldaður og lét það hafa áhrif á sig. Hann missti taktinn í seinni hálfleik og hætti í raun bara að spila."
Athugasemdir
