Salah skoraði og lagði upp í næst síðasta heimaleik Liverpool á tímabilinu.

Hann er nú kominn með 18 deildarmörk og 10 stoðsendingar en hann er fyrsti leikmaðurinn í sögu úrvalsdeildarinnar til þess að skora og leggja upp 10 eða fleiri mörk þrjú tímabil í röð.

Þá er hann aðeins annar leikmaðurinn til þess að ná þessum afreki á fimm mismunandi tímabilum á eftir Wayne Rooney.

Þetta gæti verið síðasta tímabil Salah hjá Liverpool, en hann er sterklega orðaður við félög í Sádi-Arabíu. Framtíð hans kemur ekki í ljós fyrr en eftir tímabilið en hann á eitt ár eftir af samningi sínum hjá Liverpool.