Alda Ólafsdóttir, sóknarmaður Fram.
Alda spáir því að Valur vinni í kvöld.
Hildur Karítas Gunnarsdóttir, leikmaður Aftureldingar, var með þrjá rétta þegar hún spáði í þriðju umferð Bestu deildar kvenna. Fjórða umferðin hefst svo í kvöld.
Alda Ólafsdóttir, sem fór af stað með látum hjá Fram fyrr í þessari viku, spáir í leikina sem eru framundan.
Alda Ólafsdóttir, sem fór af stað með látum hjá Fram fyrr í þessari viku, spáir í leikina sem eru framundan.
Breiðablik 2 - 1 Stjarnan (18:00 í dag)
Breiðablik búnar að byrja mótið vel á meðan að Stjarnan hefur farið brösuglega af stað. Held hins vegar að þetta verði stál í stál leikur en Breiðablik mun að lokum landa 2-1 sigri.
FH 3 - 2 Þróttur R. (18:00 í dag)
Þetta verður leikur sem mun einkennast af mikilli baráttu þar sem bæði liðin vilja vera ofar í töflunni. Þetta verður opinn leikur með fullt af marktækifærum. Fyrrum liðsfélagi minn, Caroline Murray, setur 2 fyrir Þrótt en Breukelen skorar sigurmarkið fyrir FH í blálokin eftir stoðsendingu frá Andreu Rán.
Keflavík 0 - 3 Valur (18:00 í dag)
Valur tekur þennan leik örugglega 3-0. Amanda heldur áfram að sýna gæði sín og kemur að öllum mörkum Vals.
Víkingur R. 1 - 3 Þór/KA (16:00 á morgun)
Leikur tveggja liða sem hafa byrjað mótið vel en spurning hvort að Víkingur muni hafa markmann til taks á morgun. Sandra María hefur verið á eldi í upphafi móts og Hulda Ósk einnig verið öflug og munu þær sjá um mörkin fyrir Þór/KA og Bergdís mun setja eitt fyrir Víking.
Tindastóll 1 - 1 Fylkir (16:00 á morgun)
Nýliðarnir í Fylki hafa farið mjög vel af stað og Tindastóll náði í sinn fyrsta sigur í síðustu umferð. Bæði lið eru líkleg til að taka 3 stig úr þessum leik svo ég ætla að setja jafntefli á þetta. Lara mun skora skallamark fyrir Tindastól enda grjóthörð í ræktinni en Guðrún Karítas mun svo jafna leikinn fyrir Fylki.
Fyrri spámenn:
Diljá Ýr Zomers (3 réttir)
Helena Ólafsdóttir (3 réttir)
Hildur Karítas Gunnarsdóttir (3 réttir)
Besta-deild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 5 | 5 | 0 | 0 | 16 - 1 | +15 | 15 |
| 2. Valur | 5 | 5 | 0 | 0 | 17 - 6 | +11 | 15 |
| 3. Þór/KA | 5 | 4 | 0 | 1 | 13 - 5 | +8 | 12 |
| 4. Víkingur R. | 5 | 2 | 1 | 2 | 8 - 12 | -4 | 7 |
| 5. Tindastóll | 5 | 2 | 0 | 3 | 6 - 7 | -1 | 6 |
| 6. Stjarnan | 5 | 2 | 0 | 3 | 9 - 14 | -5 | 6 |
| 7. FH | 5 | 2 | 0 | 3 | 5 - 11 | -6 | 6 |
| 8. Fylkir | 5 | 1 | 2 | 2 | 7 - 10 | -3 | 5 |
| 9. Þróttur R. | 5 | 0 | 1 | 4 | 3 - 7 | -4 | 1 |
| 10. Keflavík | 5 | 0 | 0 | 5 | 5 - 16 | -11 | 0 |
Athugasemdir
