Heiða Ragney mætir gömlu félögunum í kvöld
Heiða Ragney í leik með Breiðabliki.
Það er áhugaverður leikur í Bestu deild kvenna í kvöld þegar Breiðablik tekur á móti Stjörnunni. Miðjumaðurinn Heiða Ragney Viðarsdóttir mætir þar sínum gömlu félögum.
Heiða Ragney er djúpur miðjumaður sem gekk í raðir Breiðabliks í vetur eftir að hafa spilað með Stjörnunni frá 2021. Hún er uppalin hjá Þór/KA og hóf feril sinn þar.
Heiða Ragney er djúpur miðjumaður sem gekk í raðir Breiðabliks í vetur eftir að hafa spilað með Stjörnunni frá 2021. Hún er uppalin hjá Þór/KA og hóf feril sinn þar.
Lestu um leikinn: Breiðablik 5 - 1 Stjarnan
Það er óhætt að fullyrða að Heiða Ragney sé einn vanmetnasti leikmaður deildarinnar en það var aðeins rætt um hana í Niðurtalningunni hér á Fótbolta.net áður en mótið hófst - í sérstökum þætti um Breiðablik.
„Hún er frábær leikmaður," sagði Ásta Eir Árnadóttir, fyrirliði Breiðabliks, í þættinum. „Hún gefur okkur öryggi á miðjunni," sagði Birta Georgsdóttir, framherji Breiðabliks.
„Hún er algjör nagli. Það er betra að vera með henni í liði en á móti henni," sagði Ásta og tók Birta svo sannarlega undir það.
„Ég þoli ekki að spila á móti henni, það er ekkert eðlilega pirrandi. Hún er fáránlega góð."
Heiða Ragney hefur farið vel af stað með Breiðabliki en hún var valin í úrvalslið síðustu umferð Bestu deildarinnar. Það verður gaman að fylgjast með henni í baráttunni gegn sínum gömlu félögum úr Garðabæ í kvöld.
Athugasemdir
