Manchester United er eitt þeirra félaga sem hefur áhuga á því að fá varnarmanninn Tosin Adarabioyo á frjálsri sölu í sumar. Þetta herma heimildir ESPN.
Adarabioyo verður samningslaus í sumar og hefur ekki enn skrifað undir samning við Fulham. Sagan segir að hann ætli sér að róa á önnur mið í sumar.
Chelsea, Newcastle og Tottenham hafa einnig verið orðuð við þennan öfluga miðvörð.
Adarabioyo er 26 ára gamall Englendingur en hann hefur leikið með Fulham síðustu fjögur ár.
Adarabioyo er uppalinn hjá Manchester City og á 14 landsleiki fyrir yngri landslið Englands.
Athugasemdir