Þorlákur Árnason var skiljanlega svekktur með 4-0 tap sinna manna gegn Fylki í Árbænum fyrr í dag. Láki var sérstaklega ósáttur með dómgæslu leiksins þar sem Þór gerði sterkt tilkall til þess að fá vítaspyrnu í stöðunni 1-0 og hefði það getað breytt gangi leiksins til muna, hinsvegar brunuðu Fylkismenn fram og skoruðu sitt annað mark.
Lestu um leikinn: Fylkir 4 - 0 Þór
„Við vorum betri aðilinn fyrstu 60-70 mínúturnar, hápressuðum þá og létum þeim líða illa á heimavelli. Ég er mjög sáttur við spilamennskuna fyrstu 70 mínúturnar.''
Hvað er það er gerist hjá Þórsurum síðustu 20 mínútur leiksins?
„Ég held að þetta atvik í stöðunni 1-0 þegar við eigum að fá vítaspyrnu en þeir fara upp og skora 2-0, það er svo rosalega mikill munur á því að við séum að fara að jafna eða þeir að skora 2-0 og klára leikinn, það var lykilatriði í leiknum.''
„Þetta er ekki boðlegt, í gamla daga kölluðu menn þetta heimadómgæslu, frá úrvalsdeildardómara er þetta ekki boðlegt.''
Viðtalið í heild sinni má sjá í spilaranum hér að ofan, við biðjumst þó velvirðingar á hljóðtruflunum.
Athugasemdir
