Jarell Quansah, leikmaður Liverpool, taldi sig hafa skorað jöfnunarmark Liverpool gegn Toulouse í Evrópudeildinni í kvöld, en fagnaðarlætin entust ekki lengi því Georgi Kabakov, dómari leiksins, var sendur að VAR-skjánum og dró síðan ákvörðun sína til baka.
Mark Liverpool kom seint í uppbótartíma eftir þunga sókn liðsins, en Quansah skaut þá boltanum í netið af stuttu færi eftir vandræðagang í teignum.
Stuttu síðar fékk Kabakov, dómari leiksins, skilaboð um að skoða markið betur í VAR-skjánum, en þar var verið að skora mögulega hendi á Alexis Mac Allister í aðdragandanum.
Hann dró því ákvörðun sína til baka, en samkvæmt regluverki IFAB (Alþjóðanefnd knattspyrnusambanda) var markið löglegt. Mac Allister tók á móti boltanum og hafði hann viðkomu í efri hluta handleggsins.
Þetta gerðist í byrjun sóknarinnar og virtist um óviljaverk að ræða, en reglurnar staðfesta það einmitt. Mac Allister tók á móti boltanum með brjóstkassanum áður en hann kemur við hönd hans og þá sneri hann ekki að markinu í atvikinu, en það er ekki lengur álitið sem brot.
Sjáðu atvikið hér
Athugasemdir