Todd Boehly eigandi og stjórnarformaður Chelsea sagði í gær að áætlanir félagsins væru farnar að bera ávöxt og úrslitin að undanförnu bæru merki þess.

„Þetta snýst ekki bara um að eigendurnir séu ánægðir, það þarf líka að ræða við okkur. Það þurfa báðir aðilar að vera ánægðir. Ef leiðir skilja þá er það enginn heimsendir."

Í Powerade slúðurpakkanum í morgun var sagt að stjórn Chelsea ætli sér að funda eftir leikinn gegn Bournemouth í lokaumferðinni og þar verði tekin ákvörðun um framtíð Pochettino.

Chelsea er sem stendur í sjöunda sæti ensku úrvalsdeildarinnar en liðið ferðast í leik gegn Nottingham Forest á morgun og mætir Brighton á miðvikudag áður en kemur að lokaleiknum þann 19. maí.