Þýski miðillinn BILD greinir frá því að þrjú barna Harry Kane lentu í bílslysi þegar Kane var á leið til London fyrir leik FC Bayern gegn Arsenal í útsláttarkeppni Meistaradeildar Evrópu.
Kane og eiginkona hans eiga fjögur börn saman og voru þrjú þeirra saman í bíl sem lenti í bílslysi í München.
Farið var rakleiðis með börnin á sjúkrahús og í ljós kom að einungis var um minniháttar áverka að ræða.
Kane gat því spilað leikinn gegn Arsenal án þess að hafa alltof miklar áhyggjur af heilsu barna sinna, en hann skoraði annað marka Bayern í 2-2 jafntefli.
Athugasemdir