Miðjumaðurinn Theódór Elmar Bjarnason er búinn að yfirgefa herbúðir tyrkneska B-deildarfélagsins Elazigspor.
Þetta staðfestir hann á Twitter í kvöld.
„Ég er mjög sorgmæddur að tíma mínum hjá Elazigspor hafi lokið svona. Ég kynntist mikið af stórkostlegu fólki hérna, hér hef ég eignast vini til lífstíðar. Ég vona að liðinu muni ganga vel án mín," skrifar Elmar.
„Núna mun ég finna mér nýtt verkefni. Ég mun aldrei gleyma tíma mínum í Elazig."
Í viðtali við Fótbolta.net í september sagði Elmar að félagið ætti í miklum fjárhagsvandræðum. Það spilar mögulega inn í þessa ákvörðun.
Theódór Elmar er 31 árs gamall og á 41 landsleik fyrir Ísland. Hann hefur leikið með Elazigspor frá því í fyrra. Hann hefur einnig leikið með Celtic, Lyn, Göteborg, Randers og AGF á atvinnumannaferli sínum. Hann er uppalinn hjá KR.
I am really sad that my time in Elazig has ended like this. I met a lot of amazing people and made some friends for life. I really hope the team will do well without me like they did in Karabük and Adana.
— Elmar Bjarnason (@ElmarBjarnason) November 15, 2018
Now I will find a new challenge but i will never forget my time in Elazig.
Það mun bara koma í ljós, loka engum dyrum..
— Elmar Bjarnason (@ElmarBjarnason) November 15, 2018
Athugasemdir