Líklega að fylgjast með Alderweireld - Fór eftir 65 mínútur
Toby Alderweireld.
Jose Mourinho, stjóri Manchester United, var meðal áhorfenda í Brussel þar sem leikur Belgíu og Íslands í Þjóðadeildinni fór fram í gær. Hann horfði á Belgíu vinna 2-0 sigur.
Marouane Fellaini og Romelu Lukaku, leikmenn United, eru belgískir en voru ekki með í gærkvöldi vegna meiðsla.
Sagan segir að Mourinho hafi verið á leiknum til að fylgjast með Toby Alderweireld, varnarmanni Belgíu. Enskir fjölmiðlar og belgískir segja frá þessu í dag.
Alderweireld var orðaður við United síðasta sumar en hann leikur með Tottenham. Samningur Alderweireld við Lundúnafélagið rennur út næsta sumar.
Varnarleikur United hefur ekki verið upp á marga fiska það sem af er tímabili og það myndi ekki skemma fyrir að fá Alderweireld, sem er 29 ára gamall, í janúar.
Belgískur fjölmiðlamaður náði tali af Mourinho þegar hann yfirgaf leikvanginn í gær. Hann hætti að horfa eftir 65 mínútur, eftir að Belgía hafði komist í 1-0 forystu.
Mourinho var spurður að því hvað hafði fengið hann til Belgíu. Hann benti á veðrið, en mikil þoka var á vellinum í gær.
You got to love his laugh:
— Kristof Terreur 📰 (@HLNinEngeland) November 16, 2018
Jose Mourinho watched 65 minutes of Belgium - Iceland yesterday.
🎤 @VTMNIEUWS : “What brings you to misty Belgium?”
🗣 Jose Mourinho: “The weather.” 👹 (laughs out loud)#mufc
pic.twitter.com/vnM4AcdBTZ
Mourinho á leiknum í gær.
Athugasemdir
