Callum Wilson skoraði þriðja mark Englands í 3-0 sigri gegn Bandaríkjunum í vináttulandsleik í gær.
Wilson var að spila sinn fyrsta landsleik fyrir Englands hönd.
Wilson er 26 ára gamall en hann hefur mikið spilað í neðri deildunum í Englandi. Hann er uppalinn hjá Coventry en lék einnig með Kettering Town og Tamworth áður en hann fór til Bournemouth árið 2014.
Hann hjálpaði Bournemouth að komast upp í ensku úrvalsdeildina og að halda sér í ensku úrvalsdeildinni.
Hann hefur farið langa leið til að komast í enska landsliðið og er þar verðskuldað.
Með marki sínu í gær varð hann fyrsti leikmaður í sögu Bournemouth til að skora fyrir enska landsliðið. Það er frábær árangur hjá þessum öfluga sóknarmanni.
1 - Callum Wilson is the first ever @afcbournemouth player to score for @England, and the first player to score on his Three Lions debut since Marcus Rashford in May 2016. Beginnings. #ENGUSA
— OptaJoe (@OptaJoe) November 15, 2018
Athugasemdir