Icardi, sem er 25 ára gamall, er uppalinn hjá Barcelona, en hann fór ungur til Sampdoria þar sem hann gerði vel hjá unglingaliðinu áður en Inter kom auga á hann.

Hann hefur verið helsti markaskorari Inter síðustu ár en hann hefur skorað yfir 20 mörk á þremur af síðustu fjórum tímabilum.

Icardi hefur verið orðaður við mörg stórlið undanfarið en svo virðist sem hann verður áfram hjá Inter.

„Ég er ánægður með að vera áfram hér. Það hafa komið einhverjar fyrirspurnir en ég hef ákveðið að vera ásamt fjölskyldu minni í Mílanó," sagði Icardi við Sky Italia.