Þetta er fyrsti leikur eftir landsleikjahlé en það er nóg af leikjum í dag. Í heildina eru átta leikir á þessum laugardegi.

Chelsea hefur farið frábærlega af stað á þessu tímabili og er með 20 stig fyrir leikinn gegn United í dag. Man Utd er með 13 stig í áttunda sæti en liðið vann Newcastle í síðustu umferð, eftir að hafa lent 2-0 undir. Leikurinn endaði 3-2.

Mikið hefur verið rætt og skrifað um framtíð Jose Mourinho, stjóra Man Utd og fyrrum stjóra Chelsea. Hann er eflaust staðráðinn í að fara á sin gamla heimavöll í dag og sækja ekkert minna en þrjú stig.

Hjá Chelsea byrjar Alvaro Morata sem fremsti maður en Olivier Giroud er á bekknum. Annars er liðið frekar hefðbundið miðað við hvernig það hefur verið í upphafi tímabils. Ross Barkley byrjar á varamannabekknum.

Jose Mourinho kemur nokkuð á óvart í liðsvali sínu. Hann byrjar með Juan Mata fyrir miðju að því virðist. Hann virðist byrja með Mata á miðjunni ásamt Matic og Pogba. Marcus Rashford og Anthony Martial byrja báðir þennan leik.

Búist var við því að Ander Herrera myndi byrja þennan leik en hann byrjar á bekknum ásamt Fred, Andreas Pereira og Alexis Sanchez.

Byrjunarlið Chelsea: Kepa, Azpilicueta, Luiz, Rudiger, Alonso, Jorginho, Kante, Kovacic, Willian, Morata, Hazard.
(Varamenn: Caballero, Fabregas, Barkley, Pedro, Giroud, Zappacosta, Cahill)

Byrjunarlið Man Utd: De Gea, Young, Lindelof, Smalling, Shaw, Pogba, Matic, Mata, Rashford, Lukaku, Martial.
(Varamenn: Romero, Bailly, Sanchez, Pereira, Fred, Herrera, Darmian)

11:30 Chelsea - Manchester United (Stöð 2 Sport)
14:00 Bournemouth - Southampton
14:00 Cardiff - Fulham
14:00 Manchester City - Burnley (Stöð 2 Sport)
14:00 Newcastle - Brighton
14:00 West Ham - Tottenham (Stöð 2 Sport 4)
14:00 Wolves- Watford
16:30 Huddersfield- Liverpool (Stöð 2 Sport)