Topplið Juventus tók á móti Genoa í ítölsku úrvalsdeildinni í leik sem er nú ný lokið.

Heimamenn voru með forystuna þegar flautað var til loka fyrri hálfleiks en það var Cristano Ronaldo sem skoraði mark þeirra á 18. mínútu.

Mark Ronaldo dugði ekki til sigurs því Daniel Bessa jafnaði metin fyrir gestina á 67. mínútu og það reyndist vera lokamark leiksins.

Niðurstaðan jafntefli og fyrsti deildarleikur Juventus á tímabilinu sem þeir vinna ekki, þeir eru nú með sjö stiga forskot á Napoli sem getur minnkað forskotið niður í fjögur stig sigri þeir Udinese í kvöld.

Fyrr í dag tapaði Roma óvænt gegn Spal.

b>Roma 0 - 2 Spal
0-1 Andrea Petagna ('38 , víti)
0-2 Kevin Bonifazi ('56 )
Rautt spjald:Vanja Milinkovic-Savic, Spal ('77)