Varnarmaðurinn Sverrir Ingi Ingason var á skotskónum í gær þegar Íslendingalið Rostov tapaði gegn Lokomotiv Moskvu.
Sjá einnig:
Rússland: CSKA Moskva með sigur - Sverrir skoraði í tapi
Sjá einnig:
Rússland: CSKA Moskva með sigur - Sverrir skoraði í tapi
Sverrir jafnaði metin fyrir Rostov í 1-1 á 27. mínútu en Lokomotiv tryggði sér sigurinn með marki eftir klukkutíma leik.
Sverrir spilaði í vörn Rostov ásamt félaga sínum í landsliðinu, Ragnari Sigurðssyni. Björn Bergmann Sigurðarson lék líka fyrir Rostov í leiknum en Viðar Örn Kjartansson var allan tímann á varamannabekknum.
Viðar tilkynnti það óvænt í morgun að hann væri hættur í íslenska landsliðinu.
Rostov er í fjórða sæti rússnesku úrvalsdeildarinnar með 18 stig eftir 11 leiki. Lokomotiv er í sjötta sæti með jafnmörg stig.
Hér að neðan er markið sem Sverrir skoraði í gær.
Booooooom Sverrir Ingi Ingason (@SverrirIngi) ⚽️🇮🇸👊 #TeamTotalFootball pic.twitter.com/8lwf9DY1A2
— Total Football (@totalfl) October 20, 2018
Athugasemdir