Kári Árnason spilaði allan leikinn fyrir Genclerbirligi þegar liðið gerði markalaust jafntefli við Adanaspor í tyrknesku B-deildinni í dag.
Kári hefur byrjað síðustu fjóra leiki liðsins og virðist vera kominn með fast sæti í byrjunarliðinu.
Það var ekkert skorað í leiknum í dag en Genclerbirligi er á toppnum í B-deildinni og stefnir á að spila í efstu deild á næstu leiktíð. Eftir leikinn í dag er Genclerbirligi með fimm stiga forystu á næsta lið, Boluspor sem á þó leik til góða.
Kári ekki búinn að segja sitt síðasta í landsliðinu
Kári er orðinn 36 ára og þegar hann ræddi við Fótbolta.net í Schruns í Austurríki í síðasta mánuði talaði hann um að hann væri kominn í annað hlutverk í landsliðinu, að hann myndi taka aftursætið og miðla reynslu sinni.
Hann staldraði hins vegar ekki lengi í því hlutverki því hann spilað bæði gegn Frakklandi og Sviss í síðasta landsliðsverkefni og gerði það býsna vel.
Kári er ekki búinn að segja sitt síðasta í landsliðinu, að minnsta kosti ekki strax.
Athugasemdir