Gennaro Gattuso knattspyrnustjóri AC Milan er nokkuð bjartsýnn fyrir leikinn en þeir hafa unnið síðustu þrjá leiki.

Gattuso segir að liðið hafi verið að bæta sig mikið á síðustu vikum.

„Liðið verður bara betra með hverjum leik sem það spilar, en við þurfum að spila bæði góðan sóknarleik og varnarleik ef við ætlum að ná í góð úrslit."

„Það er mikilvægt að allir mæti tilbúnir til leiks því að Inter er með sterkt lið og leikmenn sem búa yfir miklum gæðum. Við þurfum bara að vera rólegir og spila okkar leik og sjá svo til hvað gerist."

„Inter hefur verið að spila mjög vel og við þurfum að eiga mjög góðan leik til að sigra þá," sagði Gattuso að lokum.