Heimild: Soccerway
Massimiliano Allegri þjálfari AC Milan segir að hann hafi verið hissa á að Philippe Mexes hafi ekki skotið langt framhjá þegar hann skoraði draumamarkið í leiknum gegn Anderlecht í Meistaradeild Evrópu í gærkvöldi.
Mexes þurrkaði út alla umræðu um flott mark Zlatan Ibrahimovic í landsleik Svía og Englendinga á dögunum þegar hann skoraði með hjólhestaspyrnu fyrir utan teig eftir að hafa tekið boltann á kassann í leiknum í gær.
,,Philipe Mexes skoraði frábært mark," sagði Allegri. ,,Ég bjóst við að sjá boltann fara langt framhjá og var hissa þegar ég sá hann í markinu."
,,Þetta var frábært mark en það sama má segja um frammistöðu Mexes," sagði Allegri um miðvörðinn sinn.
Markið er hér að neðan.
Philippe Mexes se la joue à la Zlatan !
Athugasemdir
