„Þetta var þægilegur leikur, mér leið mjög vel frá upphafi til enda. Þeir fóru í 3-5-2 og þetta small. Mér fannst FH ekki sjá til sólar," segir Benedikt í útvarpsþættinum Fótbolti.net.

Byrjunarlið Vals í leiknum (3-5-2): Frederik Schram (m) - Elfar Freyr Helgason, Hólmar, Orri Sigurður Ómarsson - Aron Jóhannsson, Gylfi Þór Sigurðsson, Kristinn Freyr Sigurðsson - Tryggvi, Patrick.

Baldvin Már Borgarsson segir að upplegg Arnars Grétarssonar hafi svínvirkað í leiknum.

„Mér fannst þessi leikur vera aðsniðinn að þeim leikmönnum sem spiluðu. Jónatan Ingi fer í taugarnar á mér sem kantmaður, hann hleypur aldrei afturfyrir, en vængbakvörðurinn virkaði vel fyrir hann. Hann var að fá boltann í fætur, hlaupa upp, senda á bak við og fara inn miðjuna. Hann var mjög góður í þessum leik," segir Baldur.

„Tryggvi var að vinna í kringum Patrick, mér fannst það líka koma mjög vel út. Svo ertu með þrjá af bestu fótboltamönnum í deildinni á miðjunni."

„Arnar er talinn íhaldssamur þjálfari og ég held að enginn hafi búist við þessu. Ég veit að þetta var ákveðið daginn fyrir leik og það var ekkert farið djúpt í þetta kerfi. Það voru bara sömu gildi og Arnar hefur staðið yfir."

Valur mætir Fram í Bestu deildinni á morgun og verður fróðlegt að sjá hvort Arnar haldi sig við sama kerfi. Það verður að teljast ansi líklegt miðað við spilamennskuna á miðvikudaginn.

sunnudagur 28. apríl
14:00 Vestri-HK (AVIS völlurinn)
14:00 ÍA-FH (Akraneshöllin)
16:15 Víkingur R.-KA (Víkingsvöllur)
18:30 KR-Breiðablik (Meistaravellir)

mánudagur 29. apríl
18:00 Valur-Fram (N1-völlurinn Hlíðarenda)
19:15 Fylkir-Stjarnan (Würth völlurinn)