Fyrsti heimaleikur Vestra var leikinn á Avis-vellinum í Laugardalnum áttust við Vestri og HK. Leikurinn var færður frá Ísafirði vegna þess að Kerecisvöllurinn er ekki leikfær. HK er einungis með eitt stig eftir fjórar umferðir, Ómar Ingi mætti í viðtal eftir leik.
Lestu um leikinn: Vestri 1 - 0 HK
„Ógeðslega svekkjandi, við komum okkur sjálfir í það vesen að frammistaðan skilaði okkur engum punktum í dag.
Við erum ekki að nýta sénsana sem við sköpum, ég held að það sé langt síðan að við sköpuðum jafn marga sénsa.
Markið sem við fáum á okkur er eitthvað sem ekki er hægt að bjóða uppá, við getum ekki leyft neinu liði að fá þetta tækifæri á okkur."
HK hefur einungis skorað eitt mark í fyrstu fjórum umferðunum
„Við fengum loksins færi í dag, við höfum ekki verið að skapa okkur mikið af færum. Þú nýtir ekkert öll færin þín við verðum bara að halda áfram, jákvætt að skapa þau í dag."
Ívar Örn fór af velli meiddur
„Hann er draghaltur og fékk slink á hnéð, hann er vel bólginn núna."
Viðtalið má sjá í heild sinni í spilaranum hér að ofan.
Athugasemdir