Íslenski landsliðsmaðurinn Orri Steinn Óskarsson átti ótrúlega frammistöðu í 3-2 sigri FCK á AGF í meistarariðli dönsku úrvalsdeildarinnar í kvöld, en hann skoraði þrennu eftir að hafa komið inn af bekknum.
Orri, sem er 19 ára gamall, hefur verið í ágætlega stóru hlutverki hjá FCK á tímabilinu.
Hann var að byrja á bekknum þriðja leikinn í röð en hann sýndi þjálfaranum Jacob Neestrup að hann eigi sannarlega skilið að vera fastamaður í þessu liði.
Orri kom inn af bekknum á 53. mínútu og kom FCK í forystu sex mínútum síðar með skalla eftir hornspyrnu. AGF jafnaði metin tuttugu mínútum fyrir leikslok en Orri kom FCK aftur yfir með marki af stuttu færi úr miðjum teignum á 85. mínútu.
Þegar rúmar tvær mínútur voru komnar fram yfir venjulegan leiktíma skoraði hann þriðja markið með góðu skoti fyrir utan teig, neðst í vinstra hornið. Önnur þrenna hans á tímabilinu. AGF minnkaði muninn stuttu síðar en lengra komust gestirnir ekki og lokatölur því 3-2, FCK í vil.
Geggjuð innkoma hjá Orra sem er nú með 12 mörk og 7 stoðsendingar í öllum keppnum á tímabilinu. Þessi mörk hans voru einnig dýrmæt í titilbaráttunni en liðið er fjórum stigum á eftir toppliði Midtjylland þegar fimm leikir eru eftir.
Mikael Neville Anderson var í liði AGF sem er í 5. sæti með 38 stig.
Orri Oskarsson (‘04) with a goal five minutes after being subbed on. ??????????
— Danish Scout (@DanishScout_) April 28, 2024
Replaced Andreas Cornelius who’s injured yet again.pic.twitter.com/7SHdts1YnF
32 minutes on the pitch, 2 goals from the 19-year-old Orri Oskarsson ????????????#sldk #fckagf #fcklivepic.twitter.com/Y2i5LpAtfS
— Danish Scout (@DanishScout_) April 28, 2024
SUPER SUB ORRI STEINN ÓSKARSSON ????????(2004) DOUBLES THE LEAD WITH A GREAT FINISH FOR HIS HAT-TRICK!!!
— Football Report (@FootballReprt) April 28, 2024
????? @FootColic pic.twitter.com/3nKMN4CKYU
Athugasemdir