Tímabilinu gæti verið lokið hjá brasiíska markverðinum Ederson eftir að hann meiddist í 2-0 sigri Manchester City á Nottingham Forest í dag.
Ederson lenti í harkalegu samstuði við Willy Boly, varnarmann Forest, á 17. mínútu.
Brasilíumaðurinn harkaði af sér fram að hálfleik en hann var ekki alveg sá sami eftir samstuðið.
Stefan Ortega kom inn fyrir Ederson í hálfleik og gæti sá þýski þurft að standa á milli stanganna út tímabilið ef marka má orð Pep Guardiola, stjóra Man City, eftir leik.
„Þetta lítur ekki vel út. Við munum fara betur yfir þetta með lækninum á morgun,“ sagði Guardiola.
Mikil blóðtaka fyrir Man City á mikilvægasta hluta tímabilsins, en liðið er komið í úrslitaleik enska bikarsins og í harðri titilbaráttu við Arsenal.
Athugasemdir