Carlo Ancelotti stjóri Real Madrid hefur svarað Bernardo Silva sem sagði að lið Real Madrid væri skrítið.
„Stundum virðist vera sem þú sért með stjórn á leiknum allt í einu komast þeir í tvær skyndisóknir og skora tvö mörk því leikmennirnir þeirra eru mjög góðir. Þeir eru svo hraðir og sterkir í skyndisóknum að það er ekki auðvelt að stjórna þeim," sagði Silva.
„Við erum ekki skrítið lið. Við erum lið sem sýnir söguna okkar í keppninni. Ég þarf ekki að svara Bernardo Silva. Hann er frábær, risa leikmaður og í fyrra komust þeir í úrslit og nú er komið að okkur," sagði Ancelotti.
Real Madrid lagði Manchester City í átta liða úrslitunum eftir sigur í vítaspyrnukeppni á Etihad vellinum. Real Madrid mætir Bayern í undanúrslitum en fyrri leikurinn fer fram annað kvöld á Allianz Arena í Munchen.