Heimild: mbl.is
Eiður Aron Sigurbjörnsson, leikmaður Vestra, fór af velli í seinni hálfleik þegar Vestri lagði HK í Bestu deildinni í dag.
Eiður haltraði af velli, sýnilega þjáður. Davíð Smári Lamude, þjálfari Vestra, sagði eftirfarandi í viðtali við mbl.is: „Hann er líklegast fótbrotinn. Eins og þetta lítur út núna er þetta líklegast ristarbrot."
Eiður haltraði af velli, sýnilega þjáður. Davíð Smári Lamude, þjálfari Vestra, sagði eftirfarandi í viðtali við mbl.is: „Hann er líklegast fótbrotinn. Eins og þetta lítur út núna er þetta líklegast ristarbrot."
Lestu um leikinn: Vestri 1 - 0 HK
Varnarjaxlinn sagði við Fótbolta.net í kvöld að hann væri á leið í myndatöku á morgun (mánudag) og þá kæmi í ljós hver staðan væri.
Hann gekk í raðir Vestra fyrir mót eftir að samningi hans við ÍBV var rift. Eiður er 34 ára, á að baki 206 leiki í efstu deild og hefur í þeim skorað 14 mörk.
Hann fór af velli eftir tæklingu frá Atla Þór Jónassyni sem fékk gult spjald fyrir brotið.
„Það eru tilfinningar í þessu, ég sá það strax að hann var alvarlega meiddur og bað strax um skiptingu. Þá litast maður aðeins og tilfinningarnar bera mann aðeins ofurliði og maður fer að kalla og öskra. Maður er tengdur liðinu sínu, við erum ein heild í þessu. Ég á frekar von á því að þetta verði ekki góð tíðindi frekar en góð," sagði Davíð við Fótbolta.net. Hann fékk gult spald í þessu atviki.
Viðtalið við hann má sjá í spilaranum hér neðst.
Athugasemdir