Mynd: EPA

Albert Guðmundsson skoraði fjórtánda mark sitt fyrir Genoa í kvöld þegar liðið vann Cagliari og gulltryggði áframhaldandi veru sína í Seríu A á næstu leiktíð.

Albert var að venju í byrjunarliðinu en hann skoraði þriðja mark liðsins þegar hann átti misheppnaða sendingu sem endaði sem betur fer fyrir hann hjá Morten Frendrup sem lagði boltann aftur á Albert sem skoraði að öryggi og innsiglaði sigur liðsins.

Frábær árangur hjá Alberti og Genoa sem er nýliði í deildinni eftir að hafa hafnað í 2. sæti í Seríu B á síðustu leiktíð.

Genoa á m.a. eftir að mæta AC Milan og Roma í tveimur af síðustu fjórum leikjum liðsins á tímabilinu.