Robert Lewandowski framherji Barcelona er ekki að hugsa um að yfirgefa félagið í sumar en hann er orðinn 35 ára.
Pólski landsliðsmaðurinn hefur verið fastamaður í liðinu á þessari leiktíð og skorað 16 mörk í 34 leikjum í deildinni. Hann skoraði þrennu þegar liðið lagði Valencia í gær.
Lewandowski á tvö ár eftir af samningi sínum við spænska félagið.
„Að yfirgefa Barcelona er ekki í umræðunni. Mér líður vel líkamlega. Eins og staðan er í dag verð ég hérna næstu tvö árin. Þegar ég verð ekki í toppstandi lengur fer ég að hugsa mig um," sagði Lewandowski.
Athugasemdir