Á morgun munu báðir meistaraflokkar Grindavíkur, karla- og kvenna, spila leiki sína á Víkingsvellinum (Heimavelli Hamingjunnar), þar sem það verður svokallaður Grindavíkurdagur.
Klukkan 16:00 mætast Grindavík og KR í Mjólkurbikar kvenna áður en karlalið Grindavíkur spilar við Fjölni í 1. umferð Lengjudeildarinnar klukkan 19:15.
Grindavík og Víkingur náðu samkomulagi í mars um að Grindavík fengi að æfa og spila á Víkingssvæðinu í sumar og var það hluti af samkomulaginu að meistaraflokkur karla- og kvenna myndi spila fyrsta leik sumarsins á Víkingsvellinum.
30.04.2024 11:36
„Vel gert af Víkingum að lána okkur völlinn og búa til umgjörðina"
Allur ágóði af miðasölu og sölu varnings og veitinga í kringum leikina á morgun rennur óskiptur til styrktar Grindavíkur, sem hefur gengið í gegnum erfiða tíma vegna jarðhræringa á svæðinu.
Víkin opnar klukkan 15:15. Eftir kvennaleikinn verða Hjaltested-hamborgarnir á sínum stað en hægt er að nálgast þá klukkan 18:15.
Jón júlíus Karlsson verður vallarþulur og þá keyrir Sigurbjörn trúbador upp stemninguna.
Leikir:
16:00 Grindavík - KR (Mjólkurbikar kvenna)
19:15 Grindavík - Fjölnir (Lengjudeild karla)
Athugasemdir